Vezina Trophy

O Vézina Trophy no Hockey Hall of Fame.

O Vezina Trophy é un trofeo entregado anualmente pola National Hockey League (NHL) ao porteiro da liga "considerado o mellor na súa posición". Ao final de cada tempada, os trinta directores xerais da NHL votan para elixir o gañador. Recibe o seu nome en honor a Georges Vézina, porteiro dos Montreal Canadiens entre 1910 e 1925, que morreu en 1926 de tuberculose. O Trofeo foi entregado por primeira vez despise da tempada 1926-27 ao mellor porteiro. Da tempada 1946-47 á 1981-82, o trofeo foi entregado ao(s) porteiro(s) do equipo queconseguira o menor número de goles durante a liga regular; dende 1982 en adiante, o William M. Jennings Trophy é entregado para recoñecer ese logro.

Historia

O trofeo recibe o nome do antigo porteiro dos Montreal Canadiens Georges Vézina, morto de tuberculose en 1926.

O Vézina Trophy foi bautizado en honor a Georges Vézina, un excepcional porteiro que xogou cos Montreal Canadiens. Vézina caeu durante un partido en 1925 e foi diagnosticado con tuberculose, da que morreu en 1926. Logo da morte de Vézina, o trofeo foi doado á NHL polos propietarios dos Canadiens, Leo Dandurand, Louis Letourneau e Joe Cattarinich para honrar permanentemente a Vézina. Foi entregado por primeira vez aofinal da tempada 1926-27 a George Hainsworth, que chegara a Montreal para suceder a Vézina.

O trofeo foi aceptado pola liga na súa reunión do 15 de maio de 1927 celebrada en Montreal. Os criterios para elixir o gañador foron variando ao longo da historia do trofeo. O Montreal Gazette e The Globe and Mail informaron de que 'é entregado cada ano ao porteiro da National Hockey League que teña o mellor porcentaxe de goles en contra, mentres que o Toronto Star informou de que o trofeo era entregado ao porteiro 'máis valioso' da liga. Cando Hainsworth gañou o seu terceiro Vézina ao finalizar a tempada 1928-29, o trofeo foi entregado ao porteiro 'máis destacado' da liga. Con todo, os informes posteriores indican que o trofeo estivo baseado na menor media de goles en contra (GAA).

O Vézina Trophy foi bastante prestixioso, xa que era un dos tres grandes premios individuais outorgados pola National Hockey League no momento, xunto co Hart Trophy e o Lady Byng Trophy. Os medios de comunicación de hóckey seguiron de cerca a axustada "carreira do Vézina Trophy," como en 1940-41, cando Frank Brimsek, Turk Broda, e Johnny Mowers estiveron separados por tan só tres goles ao comezar a derradeira fin de semanada tempada.

1946 a 1981

En febreiro de 1946, a NHL declarou oficialmente que o trofeo iría ao equipo que conseguira o menor número de goles durante a liga regular. O porteiro que xogara a maioría dos partidos dese equipo gañaría o Trofeo. O xerente dos Montreal Canadiens Tommy Gorman dixo que se o trofeo era entregado ao seu equipo, o xeito de outorgar o trofeo a Bibeault ou Durnan sería decidido pola súa administración. Con todo, nun banquete celebrado en outubro, o presidente da National Hockey League Clarence Campbell sinalou que mentres que a liga estaba considerando mudar os métodos de votación do Calder Memorial Trophy, o Hart Trophy e o Lady Byng Trophy, os criterios para o Vézina en realidade non cambiarían.

Xa que era habitual que os porteiros xogaran todos os partidos antes de 1950, o Vézina foi entregado xeralmente ao porteiro coa menor media de goles en contra persoal da liga; con todo, houbo dúas notables excepcións. George Hainsworth recibiu o primeiro Vézina Trophy, mentres que Clint Benedict tivo o menor GAA na tempada 1926-27. Os Canadiens de Hainsworth encaixaron menos goles como equipo que os Senators de Benedict. Wilf Cude tivo o menor GAA na tempada 1933-34 en 30 partidos repartidos entre dous equipos, mais o Vézina foi entregado a Charlie Gardiner, que xogou os 48 partidos cos Chicago Blackhawks, o equipo que encaixou menos goles.

A National Hockey League alongou o calendario de competición a setenta partidos na tempada 1949-50. Ata ese momento, era moi habitual para os porteiros xogar todos os minutos da tempada do seu equipo, e só tres gañadores do Vézina – Frank Brimsek en dúas ocasións na tempada 1938-39 (43 de 48 partidoss) e na tempada 1941-42 (47 de 48 partidos) e Bill Durnan na tempada 1944-45 (40 de 50 partidos) non iniciaron todos os partidos dos seus respectivos equipos.

Cando os equipos comezaron a utilizar regularmente máis dun porteiro nunha tempada, fíxose máis habitual para os porteiros co menor GAA non ser membros do equipo que conseguira menos goles. O Vézina continuou a ser entregado ao porteiro que xogara máis partidos co equipo que conseguira menos goles, mais os gañadores do trofeo nas temapadas 1954-55, 1960-61, 1962-63 e 1963-64 non tiveron os menore GAAs.

A National Hockey League comezou a permitir que os compañeiros de equipo compartiran o Vézina Trophy despois da tempada 1964-65. Os Toronto Maple Leafs conseguiron 173 goles en contra, superando por pouco os 175 goles en contra dos Montreal Canadiens e os 176 dos Chicago Blackhawks. Terry Sawchuk xogou 36 partidos para os Leafs cun GAA de 2,56, mentres que o seu compañeiro Johnny Bower xogou 34 partidos, conseguindo o mellor GAA da liga con 2,38, mais Sawchuk sería o último gañador do trofeo baixo os antigos criterios. Durante a tempada, os dous xogadores acordaron repartir o premio en metálico de 1000 dólares que acompaña ao trofeo se algún dos dous o conseguía. Ao final da tempada, Sawchuk declarou publicamente que rexeitaría o trofeo se o nome de Bower non era tamén inscrito. Posteriormente a NHL mudou a regard para permitir que calquera porteiro que tivera xogado un mínimo de 25 partidos clasificárase para o Vézina Trophy se o seu equipo encaixaba o menor número de goles, e aplicou esta norma con carácter retroactivo con Sawchuk e Bower. Baixo este criterio, Turk Broda tería compartido o Vézina que Al Rollins gañou na tempada 1950-51. Este criterio estivo en vigor ata a tempada 1980-81.

O criterio de que o Vézina Trophy fora entregado ao(s) porteiro(s) do equipo que menos goles encaixara, non implicaba necesariamente a mellor actuación individual. O mellor porteiro, votado polos medios de comunicación, era o do criteria had the trophy going to the goaltender(s) of the team that was best at preventing goals, not necessarily the best individual performance. The best goaltender, as voted by the media, was the Primeiro equipo All-Star. Estes con frecuencia difiren, coomo na tempada 1979-80, cando Don Edwards e Bob Sauvé compartiron o Vézina, mentres que Tony Esposito foi nomeado para o Primeiro Equipo. Durante a tempada 1973-74, os Chicago Black Hawks e os Philadelphia Flyers finalizaron empatados co menor número de goles en contra; polo tanto os seus respectivos porteiros Tony Esposito e Bernie Parent recibiron o trofeo, a única vez que foi compartido por dous xogadores de distintos equipos. Na tempada 1973-74 os medios de comunicación votaron a Parent o Primeiro Equipo All-Star, e Esposito para o Segundo Equipo All-Star.

1981 ao presente

Dende a tempada 1981-82, o Vézina Trophy é entregado ao porteiro máis destacado da competición mediante votación dos general managers das distintas franquías da NHL. Billy Smith, dos New York Islanders, foi o primeiro xogador que recibiu o trofeo baixo o sistema de elección actual. O William M. Jennings Trophy, entregado ao(s) porteiro(s) que xogara(n) máis de 25 partidos co equipo que encaixara o menor número de goles, ten a función do antigo Vézina Trophy.

A votación ten lugar ao final da liga regular e nela participan os 30 general managers dos equipos da National Hockey League, e nela cada un deles clasifica aos seus tres candidatos segundo un sistema de 5-3-1 puntos. Os tres finalistas son nomeados e o trofeo é entregado na cerimonia de entrega de premios da NHL despois dos play-offs.

Récords e distincións

Jacques Plante posúe o récord de máis Vézinas gañados con sete, seguido por Bill Durnan e Dominik Hašek, ambos con seis. Hašek é o xogador que ten gañado máis Vézinas baixo o actual sistema de votación para o mellor porteiro individual. Os xogadores dos Montreal Canadiens gañaron este trofeo en 29 ocasións.

Hai tan só catro xogadores que teñen gañado o Vézina e o Hart Memorial Trophy na mesma tempada: Jacques Plante en tempada 1961-62; Dominik Hašek dúas veces en 1996-97 e 1997-98; José Théodore en 2001-02; e Carey Price en 2014-15. Outros dous porteiros gañadores do Vézina teñen conseguido tamén o Hart Memorial Trophy: Roy Worters e Al Rollins. Chuck Rayner foi o único porteiro que gañou o Hart Memorial Trophy, mais nunca o Vézina.

Gañadores

1927–1981

Turk Broda, dúas veces gañador.

Con sete títulos, Jacques Plante é o xogador que máis veces gañou o Vézina Trophy.

O tres veces gañador Tony Esposito.

Patrick Roy gañou tres veces o Vézina Trophy.

Dominik Hasek, seis veces gañador.

Martin Brodeur, gañou en catro ocasións o trofeo.

Miikka Kiprusoff posúe un Vézina Trophy.

O dúas veces gañador Tim Thomas.

Sergei Bobrovsky, unha vez gañador.

Cando se introduciu, o Vézina Trophy era entregado ao mellor porteiro da liga. Varios xogadores, entre eles Hainsworth en 1927 e Gardiner en 1934 non tiñan a menor media de goles en contra. En 1946, os Comisarios da NHL aclararon máiso criterio para os campións. Este foi que o trofeo fora entregado ao equipo con menos goles encaixados durante a tempada. O porteiro que tivera xogado a maioría dos partidos do equipo era galardoado co Vézina Trophy. En 1965, os Comisarios da NHL comezaron a permitir que compañeiros de equipo compartiran o Vézina Trophy. Dende 1965 ata 1981, o Vézina foi outorgado a calquera porteiro que tivera xogado 25 partidos ou máis co equipo que conseguira menos goles en contra.

Tempada	Gañador	Equipo	Vitorias
1926–27	George Hainsworth	Montreal Canadiens	1
1927–28	George Hainsworth	Montreal Canadiens	2
1928–29	George Hainsworth	Montreal Canadiens	3
1929–30	Tiny Thompson	Boston Bruins	1
1930–31	Roy Worters	New York Americans	1
1931–32	Charlie Gardiner	Chicago Black Hawks	1
1932–33	Tiny Thompson	Boston Bruins	2
1933–34	Charlie Gardiner	Chicago Black Hawks	2
1934–35	Lorne Chabot	Chicago Black Hawks	1
1935–36	Tiny Thompson	Boston Bruins	3
1936–37	Normie Smith	Detroit Red Wings	1
1937–38	Tiny Thompson	Boston Bruins	4
1938–39	Frank Brimsek	Boston Bruins	1
1939–40	David Kerr	New York Rangers	1
1940–41	Turk Broda	Toronto Maple Leafs	1
1941–42	Frank Brimsek	Boston Bruins	2
1942–43	Johnny Mowers	Detroit Red Wings	1
1943–44	Bill Durnan	Montreal Canadiens	1
1944–45	Bill Durnan	Montreal Canadiens	2
1945–46	Bill Durnan	Montreal Canadiens	3
1946–47	Bill Durnan	Montreal Canadiens	4
1947–48	Turk Broda	Toronto Maple Leafs	2
1948–49	Bill Durnan	Montreal Canadiens	5
1949–50	Bill Durnan	Montreal Canadiens	6
1950–51	Al Rollins	Toronto Maple Leafs	1
1951–52	Terry Sawchuk	Detroit Red Wings	1
1952–53	Terry Sawchuk	Detroit Red Wings	2
1953–54	Harry Lumley	Toronto Maple Leafs	1
1954–55	Terry Sawchuk	Detroit Red Wings	3
1955–56	Jacques Plante	Montreal Canadiens	1
1956–57	Jacques Plante	Montreal Canadiens	2
1957–58	Jacques Plante	Montreal Canadiens	3
1958–59	Jacques Plante	Montreal Canadiens	4
1959–60	Jacques Plante	Montreal Canadiens	5
1960–61	Johnny Bower	Toronto Maple Leafs	1
1961–62	Jacques Plante	Montreal Canadiens	6
1962–63	Glenn Hall	Chicago Black Hawks	1
1963–64	Charlie Hodge	Montreal Canadiens	1
1964–65	Johnny Bower	Toronto Maple Leafs	2
	Terry Sawchuk		4
1965–66	Gump Worsley	Montreal Canadiens	1
	Charlie Hodge		2
1966–67	Glenn Hall	Chicago Black Hawks	2
	Denis DeJordy		1
1967–68	Gump Worsley	Montreal Canadiens	2
	Rogatien Vachon		1
1968–69	Glenn Hall	St. Louis Blues	3
	Jacques Plante		7
1969–70	Tony Esposito	Chicago Black Hawks	1
1970–71	Eddie Giacomin	New York Rangers	1
	Gilles Villemure		1
1971–72	Tony Esposito	Chicago Black Hawks	2
	Gary Smith		1
1972–73	Ken Dryden	Montreal Canadiens	1
1973–74	Tony Esposito	Chicago Black Hawks	3
	Bernie Parent	Philadelphia Flyers	1
1974–75	Bernie Parent	Philadelphia Flyers	2
1975–76	Ken Dryden	Montreal Canadiens	2
1976–77	Ken Dryden	Montreal Canadiens	3
	Michel Larocque		1
1977–78	Ken Dryden	Montreal Canadiens	4
	Michel Larocque		2
1978–79	Ken Dryden	Montreal Canadiens	5
	Michel Larocque		3
1979–80	Don Edwards	Buffalo Sabres	1
	Bob Sauvé		1
1980–81	Denis Herron	Montreal Canadiens	1
	Michel Larocque		4
	Richard Sévigny		1

Dende 1982

A NHL adoptou o criterio actual para o Vézina Trophy ao principio da tempada 1981-82. O William M. Jennings Trophy foi creado como un novo premio para o(s) porteiro(s) que conseguiron menos goles en contra, tendo xogado 25 partidos ou máis.

     O xogador aínda está en activo na NHL

Tempada	Gañador	Equipo	Vitorias
1981–82	Smith, BillyBilly Smith	New York Islanders	1
1982–83	Peeters, PetePete Peeters	Boston Bruins	1
1983–84	Barrasso, TomTom Barrasso	Buffalo Sabres	1
1984–85	Lindbergh, PellePelle Lindbergh	Philadelphia Flyers	1
1985–86	Vanbiesbrouck, JohnJohn Vanbiesbrouck	New York Rangers	1
1986–87	Hextall, RonRon Hextall	Philadelphia Flyers	1
1987–88	Fuhr, GrantGrant Fuhr	Edmonton Oilers	1
1988–89	Roy, PatrickPatrick Roy	Montreal Canadiens	1
1989–90	Roy, PatrickPatrick Roy	Montreal Canadiens	2
1990–91	Belfour, EdEd Belfour	Chicago Blackhawks	1
1991–92	Roy, PatrickPatrick Roy	Montreal Canadiens	3
1992–93	Belfour, EdEd Belfour	Chicago Blackhawks	2
1993–94	Hašek, DominikDominik Hašek	Buffalo Sabres	1
1994–95	Hašek, DominikDominik Hašek	Buffalo Sabres	2
1995–96	Carey, JimJim Carey	Washington Capitals	1
1996–97	Hašek, DominikDominik Hašek	Buffalo Sabres	3
1997–98	Hašek, DominikDominik Hašek	Buffalo Sabres	4
1998–99	Hašek, DominikDominik Hašek	Buffalo Sabres	5
1999–2000	Kolzig, OlafOlaf Kolzig	Washington Capitals	1
2000–01	Hašek, DominikDominik Hašek	Buffalo Sabres	6
2001–02	Theodore, JoséJosé Theodore	Montreal Canadiens	1
2002–03	Brodeur, MartinMartin Brodeur	New Jersey Devils	1
2003–04	Brodeur, MartinMartin Brodeur	New Jersey Devils	2
	Non entregado debido ao Lockout da NHL 2004-05
2005–06	Kiprusoff, MiikkaMiikka Kiprusoff	Calgary Flames	1
2006–07	Brodeur, MartinMartin Brodeur	New Jersey Devils	3
2007–08	Brodeur, MartinMartin Brodeur	New Jersey Devils	4
2008–09	Thomas, TimTim Thomas	Boston Bruins	1
2009–10	Miller, RyanRyan Miller	Buffalo Sabres	1
2010–11	Thomas, TimTim Thomas	Boston Bruins	2
2011–12	Lundqvist, HenrikHenrik Lundqvist	New York Rangers	1
2012–13	Bobrovsky, SergeiSergei Bobrovsky	Columbus Blue Jackets	1
2013–14	Rask, TuukkaTuukka Rask	Boston Bruins	1
2014–15	Price, CareyCarey Price	Montreal Canadiens	1

Véxase tamén

Ligazóns externas

• Historia do Vézina Trophy en NHL.com (en inglés)
• Historia do Vézina TrophyArquivado 20 de novembro de 2015 en Wayback Machine. en Legends of Hockey.net (en inglés)
• Historia das votacións do Vézina Trophy dende a tempada 1981-82 ata o presente Arquivado 15 de febreiro de 2016 en Wayback Machine. en http://hockeygoalies.org (en inglés)